Ավիատոմսերի ամրագրում․ Ե՞րբ, ինչպե՞ս և որտե՞ղ իրականացնել։
Յուրաքանչյուր տուրիստ, գործարար կամ պարզապես արկածախնդիր ընտանիք այս հարցի հետ բախվում է։
Ժամանակակից կապի միջոցների ստեղծումից ի վեր ավիատոմսերի ամրագրումն ու ձեռք բերման գործընթացը այլևս խնդիր չէ, ավելին՝ այն զգալիորեն հեշտացել է։ 21-րդ դարում բջջային կապն ու համացանցը այս /և ընդհանրապես/ բոլոր տեսանկյուններից զգալի հեշտացրել են կյանքը։
Այժմ անհրաժեշտ չվերթի ավիատոմսերի ամրագրում իրականացնելու կամ գնման համար կարիք չկա մի քանի ժամ շարունակ հերթ կանգնել։ Այսօր յուրաքանչյուր մարդ կարող է ընտրել ամրագրման այն տարբերակը, որը ավելի հարմար է իրեն կամ ավելի համապատասխան այս կամ այն իրավիճակին՝ հնարավոր տարբերակները բամզմազան են։
Ավիատոմսերի ամրագրում հեռախոսազանգի միջոցով
Հեռախոսազանգի միջոցով ինքնաթիռի ավիատոմս պատվիրելն ու ամրագրումն ամենատարածված և ամենահեշտ տարբերակն է, որը չի կորցնում իր արդիականությունը անգամ այսօր, երբ համացանցը առաջարկում է ամենահեշտ և արագ կողմնորոշվելու և գործողություններ իրականացնելու տարբերակներ։
Հեռախոսազանգով ավիատոմսերի ամրագրման պարագայում տնից կամ գրասենյակից դուրս գալու անհրաժեշտություն չի առաջանում, հարկավոր է միայն վերցնել հեռախոսն ու զանգահարել ավիաընկերություն։
Եթե ավիատոմսը գնել եք օրինակ տուրիստական կազմակերպությունից, ապա կարող եք զանգահարել նաև նրանց։ Ավիափոխադրող ընկերության աշխատակիցը կամ գործակալը ուղևորի համար խորհրդատվություն կանցկացնի, կպատասխանի նրան հետաքրքրող բոլոր հարցերին, կհայտնի տոմսի արժեքը և կամրագրի այն օրվա համար, որը կցանկանա ուղևորը։
Բայց այս տարբերակն առավելությունների հետ մեկտեղ ունի նաև թերություններ։ Հիմնական թերությունը այն է, որ հնարավոր չէ չվերթների համար ամբողջական վիզուալ պատկեր ստանալ, օրինակ իմանալ տարբեր օրերի չվերթների տոմսերի արժեքները և ազատ տեղերի քանակը։ Արդյունքում առավել շահավետ և ձեռնտու տարբերակը չնկատելով, ընտրել մեկ այլ ավելի թանկ տարբերակ։
Ավիատոմսերի ամրագրում տրանսպորտային ընկերության կայքում
Այսօր բոլոր ավիաընկերությունները իրենց ուղևորներին հնարավորություն են տալիս ազատորեն օգտվել իրենց հագեցած տեղեկատվությամբ կայք էջերից, ընդհուպ մինչև ավիատոմսերի ամրագրման իրականացում ընկերության պաշտոնական կայքերում։ Այստեղ կարելի է գտնել թռիչքի մասին ցանկացած տեղեկատվություն։
Ավիափոխադրողի կայքում ինքնաթիռի ավիատոմս ամրագրելու համար անհրաժեշտ է բանկային քարտ կամ էլեկտրոնային դրամապանակ ունենալ։
Ձեզ նաև կհետաքրքրի․
- Թռիչքից որքան շուտ պետք է լինել օդանավակայանում
- Ինքնաթիռի էժան ավիատոմսեր՝ դրանք ձեռք բերելու 5 պարզ քայլ
- Ինչ անել ինքնաթիռի ավիատոմսը, եթե փոխել եք ձեր անձնագիրը
- Ինչպես գնել էժան ավիատոմսեր․ 10 խորհուրդ
Սովորաբար վճարում կատարելու համար մի քանի եղանակ է առաջարկվում, մնում է միայն ընտրել ձեր համար ամենահամապատասխան տարբերակը։ Ավիատոմս ամրագրելու համար ընդամենը անհրաժեշտ է ընտրել նախընտրելի չվերթը, օրը, ժամը և լրացնել անձնական տվյալների դաշտը։
Ավիատոմսերի ամրագրում օդանավակայանում կամ գործակալությունում
Այս եղանակը հիմնականում տարածված է Ռուսաստանի Դաշնության տարբեր շրջաններում։ Այնուամենայնիվ, եթե կա ավելի հարմար եղանակ, ապա կարիք չկա անցնել տասնյակ կամ հարյուրավոր կիլոմետրեր նախապես ավիատոմս ամրագրելու համար, իսկ այնուհետև կրկին անցնել նույն ճանապարհը արդեն ավիատոմսը գնելու համար։
Այս եղանակից խորհուրդ է տրվում օգտվել միայն ծայրահեղ անհրաժեշտության դեպքում։ Ի՞նչու ծախսել ժամանակ և լրացուցիչ ֆինանսական միջոցներ, եթե հարցը կարելի է լուծել վերը նշված առավել հարմարավետ միջոցներից։
Մարդիկ կան, որոնք դեռևս չեն վստահում համացանցին, էլեկտրոնային որոնողական համակարգերին․ նրանք նախընտրում են անձամբ այցելել համապատասխան գործակալություն, ավիատոմսեր ամրագրել, գնել, վճարել հենց դրամարկղում՝ լիովին համոզված լինելու համար, որ իրեն ոչ մի «համացանցային» ավազակ չի խաբի։
Այս մարդկանց խմբին են դասվում հիմնականում մեծահասակները։
Ավիատոմսերի ամրագրումը որոնողական համակարգում
Կան առցանց կազմակերպություններ, որոնք նույնպես ավիատոմսերի վաճառք են իրականացնում։ Նրանք ավիաընկերության կայքերից հավաքում են համապատասխան տեղեկատվություն ինքնաթիռում առկա ազատ տեղերի քանակի, արժեքի, դադարներով թռչելու հնարավորության մասին և այլնի մասին։
Նման համակարգերում բազմաթիվ որոնման գործիքներ ու զտիչներ են առաջարկվում, որոնց օգնությամբ հեշտությամբ կկարողանաք գտնել ամենաէժան ավիատոմսերը, ամենահարմար երթուղով թռիչքները աշխարհի ցանկացած քաղաքից։
Այս համապարփակ տեղեկատվական հարթակը պոտենցիալ ուղևորին ազատում է մրցակից բազմաթիվ ավիաընկերությունների կայքեր առանձին-առանձին մուտք գործելուց, քանի որ որոնողական համակարգի միջոցով կարող է միանգամից ծանոթանալ բոլորի ավիաընկերությունների չվերթների պայմաններին և ընտրել այն մեկը, որը առավել համապատասխան է հենց իրեն։
Հնարավոր բոլոր մեթոդները վերլուծելուց հետո, յուրաքանչյուր ուղևոր կարող է հեշտ ու արագ ինքաթիռի ավիատոմսերի ամրագրում իրականցնել՝ չվատնելով ժամանակն ու դրամական միջոցները։
